ანანო არაბული, რომელიც ახმეტის მუნიციპალიტეტში ცხოვრობს, ფლობს 5 ჰექტარ მიწის ნაკვეთს, სადაც დაქირავებული მუშახელის დახმარებით უვლის და ამუშავებს ვენახებს. რადგან ამ სფეროში ჯერ კიდევ არ აქვს დიდი გამოცდილება, ამ ეტაპზე მხოლოდ ღვინის რეალიზაციაზეა ორიენტირებული და ადგილზე ტურისტებს არ მასპინძლობს. თუმცა, მომავალში გეგმავს ტურისტული კომპლექსის შექმნას, რომელიც მოიცავს მარანს, სასტუმროსა და კვების ობიექტს.
